കുറേ നേരമായി ഓടിച്ചു കൊണ്ടിരുന്ന ബൈക്ക് റോഡിന്റെ സൈഡിൽ ഒതുക്കി നിർത്തി ഇത് വരെ യാത്ര ചെയ്ത വഴിയിലേക്ക് തിരിഞ്ഞു നോക്കി . ആകാശത്തു അങ്ങിങ്ങായി കുറേ കറുത്ത പൊട്ടുകൾ. നോക്കുമ്പോൾ അവയെല്ലാം അടുത്തേക്ക് വരുന്ന പോലെ. മെല്ലെ മെല്ലെ ആകാശത്തു കാണുന്ന ചെറിയ കറുത്ത പൊട്ടുകൾ വലുതാകുന്നത് പോലെ തോന്നി .പൊട്ടുകളിലൊന്ന് ഇപ്പോൾ പാറി നടക്കുന്ന ഒരു കറുത്ത പട്ടം പോലെ തോന്നി തുടങ്ങി ബാക്കി എല്ലാം അതെ പോലെ ആയി. പൊടുന്നനെ അതിലൊന്ന് ചിറകുകൾ വീശി പറന്നടുത്തു ഭീമാകാരമായ ഒരു കാക്കയുടെ രൂപത്തിൽ അടുത്തുള്ള മരത്തിൽ വന്നിരുന്നു .അതാ രണ്ടാമതും ഒന്ന് വരുന്നു. വൈകാതെ അത് ഒരു പറ്റം അയി ആ ഭാഗം മൊത്തം അവറ്റകളെ കൊണ്ട് നിറഞ്ഞു
ഇതെല്ലാം കണ്ടു മറഞ്ഞു നിൽകുമ്പോൾ ഒരേ ഒരു ചിന്ത ബൈക്ക് എടുത്തു എങ്ങനെ പോകും എന്നായിരുന്നു . ഒരു വിധം അവറ്റകുളുടെ കണ്ണ് വെട്ടിച്ചു വണ്ടി എടുത്തു പക്ഷെ സ്റ്റാർട്ട്‌ ചെയ്തതും അവയിൽ ഒന്നിന്റെ ശ്രെദ്ധയിൽ പെട്ടു . ഇരമ്പി വരുന്ന തേനീച്ച കൂട്ടത്തെ പോലെ പിന്തുടരുന്നു എന്തു ചെയ്യും രണ്ടും കല്പിച്ചു വണ്ടിയുമായി പാഞ്ഞു എങ്ങനെയോ വീട്ടിലെത്തി കയറി കതകടച്ചു. ഒരാശ്വാസം വീടെത്തിയല്ലോ.
വീടെത്തിയ ഉടനേ അന്വേഷിച്ചത് കുഞ്ഞിനെ ആണ്. അകത്തു ഉറങ്ങുന്നുണ്ടെന്നു അറിഞ്ഞു. പോയി നോക്കി കാണുന്നില്ല. നേരം ഇരുട്ടി കഴിഞ്ഞു വീട് മുഴുവൻ തപ്പി എങ്ങുമില്ല .എവിടെ പോയി. ജനൽ തുറന്നു നോക്കുമ്പോൾ ആ പക്ഷി പുറത്തു ഒരു മരക്കൊമ്പിൽ ഇരിക്കുന്നു. ആകെ ഒരു ഭയം വെട്ടിവിയർത്തു എന്തു ചെയ്യും.
പൊടുന്നനെ ഉച്ചത്തിൽ ഒരു ശബ്ദം അത് കേട്ട് ഞെട്ടീ . ബെഡിൽ നിന്നു ചാടി എണീറ്റു നേരം വെളുത്തു അലാറം അടിച്ചതാണ്. ബെഡിൽ തപ്പി മോനും ഭാര്യയും ഇല്ലാ . പിന്നെ ഓർത്തു അവർ അവളുടെ വീട്ടിലാണ് . ഒരുമാതിരി കൂതറ സ്വപ്നം
