ഈ കഴിഞ്ഞ ടീച്ചേഴ്സ് ഡേയുടെ തലേ ദിവസം വൈകീട്ട് എന്തെന്നറിയില്ല പെട്ടെന്നു MTHSS എന്നെ പഠിപ്പിച്ച ജ്യോതി മിസ്സും ജിഷ മിസ്സും അംബിക മിസ്സും പിന്നെ നമ്മുടെ പ്രിൻസിപ്പൽ സലീന മിസ്സും മനസ്സിലോട്ട് ഓടി വന്നു. അവരെ കുറിച്ച് ഈ തട്ടിക്കൂട്ട് ബ്ലോഗിൽ എന്തെങ്കിലും എഴുതിയാലോ എന്ന് ആലോചിച്ചുകൊണ്ടു ഞാൻ ഓഫീസിൽ നിന്നിറങ്ങി.
കളമശ്ശേരി എത്തിയപ്പോൾ ഫോണിൽ ഒരു കാൾ . ബൈക്ക് ഒതുക്കി എടുത്തു നോക്കി ,പ്രിൻസിപ്പൽ സലീന മിസ്സ് ആണ്.
മിസ്സ് എന്നോട് ചോദിച്ചു "നാളെ നിനക്ക് സ്കൂൾ വരേ ഒന്ന് വരാമോ ?"
ഞാൻ :"എന്താ മിസ്സേ കാര്യം "
"നാളെ teacher's day അല്ലേ നീ വന്നു അസ്സെംബ്ലയിൽ കുട്ടികളോട് സംസാരിക്കണം. നിന്റെ experience അവരോടു share ചെയ്യണം " എന്ന് മിസ്സ് പറഞ്ഞു
ഇതിലും വലിയ സന്തോഷം ഉണ്ടോ . പഠിച്ചിറങ്ങി 12 വർഷം കഴിഞ്ഞിട്ടും എന്നെ എന്റെ അധ്യാപകർ മറന്നിട്ടില്ലലോ. ഇതിലും വലിയ അംഗീകാരം കിട്ടാനില്ല. ഞാൻ എത്തിക്കോളാം മിസ്സേ എന്നു പറഞ്ഞു ഞാൻ വീട്ടിലേക്ക് പോന്നു .
വല്ലാത്ത ഒരു excitement ആയിരന്നു. വീട്ടിൽ പറഞ്ഞപ്പോൾ എല്ലാവർക്കും സന്തോഷം .
ഉറങ്ങാൻ കിടന്നപ്പോളും മനസ്സിൽ ഇതു തന്നെ ആയിരുന്നു എന്തു സംസാരിക്കും പിള്ളേരോട്. ഞാൻ ഭാര്യയോട് സ്കൂൾ എക്സ്പീരിയൻസ് കുറച്ചു പറഞ്ഞു . ഇതൊക്കെ തന്നെ പിള്ളേരോടും പറഞ്ഞാൽ പോരെ എന്ന് അവൾ എന്നോട് ചോദിച്ചു . എന്നാൽ അങ്ങനെ ആകട്ടെ എന്ന് വിചാരിച്ച് ഉറങ്ങി .
രാവിലെ റെഡിയായി പറഞ്ഞതിനേക്കാൾ ഒരു 3-4 മിനിറ്റ് മുന്നേ ഞാൻ എത്തി. പ്രിൻസിപ്പൽ ആയിട്ടു കുശലം പറഞ്ഞിരുന്നു . സമയം ആയപ്പോൾ അസംബ്ലി നടക്കുന്നിടത്തേക്ക് പോയി . എന്നെ കണ്ട ഒരു ടീച്ചർ ചോദിച്ചു പുതിയ മാഷാണോ എന്ന് . ചിരിച്ചു കൊണ്ട് ഞാൻ പഴയ ഒരു സ്റ്റുഡന്റസ് ആണ് എന്ന് പറഞ്ഞു.
വല്ലാത്ത ഒരു നൊസ്റ്റാൾജിയ ആയിരുന്നു ജീവിതത്തിൽ ഒരു turning point ഉണ്ടായത് ഇവിടെ വെച്ചാണ്. ഇവിടത്തെ ഇലക്ട്രോണിക്സ് ടീച്ചേർസ് പകർന്നു തന്ന പാഠങ്ങൾ ആണ് ഇന്നും പിന്തുടരുന്നത്. അവിടെ നിന്നാണ് എല്ലാത്തിന്റെയും തുടക്കം. 3 വ്യക്തികളെ ആണ് എനിക്ക് എന്നും നന്ദി പറയാൻ ഉള്ളത്. ജ്യോതി മിസ്സ് ജിഷ മിസ്സ് അംബിക മിസ്സ്.
ഇതിൽ ജ്യോതി മിസ്സിനെ കണ്ടു സംസാരിച്ചു.
12 വർഷത്തിന് ശേഷവും എന്റെ മുഖം ഒട്ടും unfamiliar ആയി തോന്നുന്നില്ല എന്ന് മിസ്സ് പറഞ്ഞു . അവരുടെ മനസ്സിൽ ഇപ്പോളും ഞാൻ എന്ന സ്റ്റുഡന്റ് ഉണ്ടല്ലോ ഇതിൽ പരം ഒരു അംഗീകാരം കിട്ടാൻ ഇല്ലാ. എന്റെ വൈഫിന് ചോക്ലേറ്റ് തന്നുവിട്ടാണ് എന്നെ യാത്രയാക്കിയത്.
ടീച്ചർ മാരുടെ സ്നേഹം ഏറ്റു വാങ്ങി നിറഞ്ഞ മനസ്സോടെ ഞാൻ വീട്ടിലേക്ക് പോന്നു💓💓💓💓💓💓💓. ഒരേ ഒരു വിഷമം മാത്രം ജിഷ മിസ്സിനെയും അംബിക മിസ്സിനെയും കാണാൻ സാധിച്ചില്ല .അവരെ കൂടെ കാണാൻ സാധിച്ചിരുന്നെങ്കിൽ !!!
എന്നെ വിളിച്ചതിനു സലീന മിസ്സിന് ഒരായിരം നന്ദി💓💓💓💓💓💓💓