ഉരുണ്ടു വീണു എല്ലിന് പൊട്ടൽ ഉണ്ടായ കയ്യിൽ പ്ലാസ്റ്ററുമായി ഞാൻ KURTC ലോ ഫ്ലോർ AC കയറി . സാമാന്യം നല്ല തിരക്കുണ്ട് . ഓഫീസിലേക്കു പോകുന്നതായതു കൊണ്ട് ബാഗും ഉണ്ട് . കണ്ടക്ടർ വന്നു ടിക്കറ്റ് ചോദിച്ചു . ഇപ്പൊ അകെ ഒരു കയ്യ് അല്ലെ ഫ്രീ ഉള്ളു . ഒരു വിധം വീഴാതെ ബാലൻസ് ചെയ്തു നിന്നു എന്നിട് പോക്കറ്റിൽ നിന്ന് ക്യാഷ് എടുത്ത് കൊടുത്തു ടിക്കറ്റ് വാങ്ങി .ഒറ്റ കൈ കൊണ്ട് ബാലൻസ് ചെയ്‌ത്‌ നിൽക്കാൻ കുറെ പാടുപെട്ടു . ഒരു സീറ്റ് കിട്ടിയിരുന്നെങ്കിൽ,സീറ്റിൽ ഇരിക്കുന്നവരെ ഞാൻ ദയനീയമായി നോക്കി . ആർക്കും ഒരു മൈൻഡ് ഇല്ല .
വീട്ടിൽ നിന്ന് പോരുമ്പോൾ എന്തൊക്കെ പ്രദീക്ഷകൾ ആയിരുന്നു . കയ്യിൽ പ്ലാസ്റ്റർ കാണുന്നു ആൾക്കാർ എഴുന്നേൽക്കുന്നു സീറ്റ് ഒഴിഞ്ഞു തരുന്നു ഇവിടെ ഇരുന്നോളൂ എന്ന് പറയുന്നു എന്നൊക്കെ , എവിടെ !!! 😞😞😞ടിക്കറ്റ് എടുത്തതോടെ കണ്ടക്ടർക്കും പിന്നെ മൈൻഡില്ല . അവസാനം അതാ ഒരു സീറ്റ് കാലിയാകുന്നു , ഹാവൂ രക്ഷപ്പെട്ടു . സീറ്റ് കിട്ടിയ സന്തോഷത്തിൽ ഞാൻ തോളത്തു നിന്ന് ബാഗ് ഒക്കെ ഊരി പതുകെ ആ സീറ്റിൽ അങ്ങ് ഇരിക്കാൻ തയ്യാറായിക്കഴിഞ്ഞു .
പെട്ടെന്നതാ ആൾക്കൂട്ടത്തിനടിയിൽ നിന്ന് ഒരു ചേച്ചി പ്രത്യക്ഷപ്പെടുന്നു ഞാൻ കണ്ണടച്ചു തുറക്കും മുന്നേ ചേച്ചി ആ സീറ്റ് കൈയ്യടക്കിയിരിക്കുന്നു .ശിവനേ ഇതെവിടുന്ന് വന്നു 😱😱😱😱😱എന്നിട് എന്നെയും എന്റെ കൈയിലെ പ്ലാസ്റ്ററും നോക്കി ഒരു അവിഞ്ഞ ചിരി , ഭീകരി ഏജ്ജാതി സ്പീഡ് ആയിരുന്നു ഉസൈൻ ബോൾട്ട് തോറ്റു പോകും 🏃🏃🏃 . അങ്ങനെ ഇടപ്പള്ളി മുതൽ ആലുവ ദേശം വരെ ഞാൻ പോസ്റ്റ് . എന്നാലും ഒരു താല്കാലിക വികലാംഗന്‍ ആയ എന്നോട് ഇത് വേണ്ടായിരുന്നു😭😭😭
ഇനി അങ്ങോട്ട് പ്രൈവറ്റ് ബസിൽ ആണ് യാത്ര .നിലം തൊടാതെ പറക്കുന്ന കൂട്ടരാ , എന്താവോ എന്തോ . ബസ് വന്നു ഞാൻ ഒരു വിധം പിടിച്ചു കയറി . എന്നെ കണ്ടതും കണ്ടക്ടർ സൈഡിൽ ഇരുന്ന പയ്യനോട് "എടാ ആ ചേട്ടന് സീറ്റ് കൊടുത്തേ "
കണ്ണ് നിറഞ്ഞു പോയി 😢😢😢
